Xunta Directiva

Llegó a la presidencia del Real Uviéu na Xunta Xeneral Ordinaria celebrada’l 26 d’avientu del 2013. Nacíu’l 26 de xunu de 1970 n’Uviéu, llicencióse na escuela técnica Superior d’Inxenieros de Mines d’Uviéu, llogrando’l premiu estraordinariu fin de carrera “Sebastián Sáez de Santamaría”. Ye Master en Dirección d’Empreses, por EMLyon. Foi directivu de delles empreses multinacionales, presidente y sociu d’empreses industriales (Inxeniería, tratamientu d’agua), foi director de fábrica de Saint Gobain Incusa y director comercial y de desenvolvimientu de negociu internacional de SODES. Na actualidá ye Director de Desenvolvimientu de Negociu del Grupo Daorje.

Llegó al cargu de vicepresidente del Real Uviéu na Xunta Xeneral Ordinaria celebrada’l 26 d’avientu del 2013. Nacíu’l 26 d’ochobre de 1957 n’Uviéu, llicencióse en Derechu pola Universidá d’Uviéu y tien un Máster en Derechu Deportivu. Lleva más de 25 años con despachu propiu y foi vicepresidente de la Federación Asturiana de Balonmanu y presidente del Comité de Competición d’esa territorial, amás del so asesor xurídicu. Cola so entrada nel Real Uviéu, renunció al cargu de Presidente del Comité Asturianu de Disciplina Deportiva. Na actualidá ye miembru de l’Asociación Española de Derechu Deportivu.

Forma parte del Conseyu d’Alministración del Real Uviéu dende la Xunta Xeneral Ordinaria celebrada’l 26 d’avientu del 2013. Nacíu’l 4 de febreru de 1973 n’Uviéu, ye inxenieru técnicu industrial y diplomáu en Turismu, dambos titulos pola Universidá d’Uviéu. Realizó un máster en Dirección d’Empreses Turístiques na institución académica internacional ESADE, en Barcelona. Na actualidá ye director de los hoteles Fruela y Munia, n’Uviéu, amás de presidente d’Unión Hotelera Asturiana y conseyeru na Sociedá de Promoción Turística del Principáu d’Asturies.