El Real Oviedo sigue imparable nel Carlos Tartiere

Suma y sigue. El Real Oviedo sigue intratable nel Carlos Tartiere y suma énte'l CD Tenerife la so sesta victoria consecutiva en casa. Sibo, Hassan y Seoane fueron el autores de los tantos carbayones nuna tarde feliz pal uvieísmu que ve como el so equipu asítiase segundu con 26 puntos a falta de que remate la xornada.

 

Una primer parte que tuvo de too. El Real Uviéu salió mandando como nos tien avezaos y Alemão, antes del minutu 5, yá avisó. El brasileñu remató fuera un bon centru de Hassan por derecha anque'l tantu carbayón nun tardó en llegar. Nel 9', Sibo punxo pates arriba el Tartiere con un golazu dende fora de la área pa poner el 1-0. Celebración bien asturiana del mediocentro pa festexar asina el so primera tantu cola elástica azul. 

 

Pese al gol, el conxuntu azul nun paró de buscar la meta rival y nel 16' Hassan diba'l segundu. Yá con ventaya de dos tantos, el cuadru asturianu tuvo que cambiar mancáu a Alemão por Paraschiv, nel 30', y un penalti en contra en cantu del descansu. Una mano de Sibo, revisada pol VAR, otorgó-y al CD Tenerife una pena máxima que Aarón Escandell detuvo pa caltener la meta a cero. Descansu.

 

Tres el pasu por vestuarios, Seoane y Sebas entraron al campu nel 58´ y el terceru nun tardó en llegar. Seoane tornó al campu de la meyor manera posible y punxo el 3-0 con un golazu tres una xugada individual. El partíu poníase bien de cara pa los nuesos y De'l Moral y Viñas tamién ingresaben al terrén de xuegu. Yá na recta final del choque, Leon retayó distancies anque'l so gol nun sirvió pa nada. 

 

3-1 y un nuevu trunfu pa los azules que siguen imparables en casa. Con esta nueva victoria, l'equipu ponse segundu con 26 puntos y yá piensa nel so próximu compromisu ligueru ante l'Elx CF.