Escandell salva a un Real Uviéu que mereció más.

El Real Oviedo ponía rumbu nesta ocasión pa Málaga para encarar un nuevu compromisu ligueru de LaLiga Hypermotion. Los de Javi Calleja queríen treslladar les bones sensaciones y les resultancies collechaes nel Carlos Tartiere llueñe d'Asturies y para ello La Rosaleda yera l'escenariu ideal. Con tan solo dos cambeos nel once con al respective de la pasada xornada, el conxuntu azul formaba d'entamu con: Aarón Escandell, Luengo, Costas, Dani Calvo, Pomares, Colombatto, Sibo, Cazorla, Chaira, Sebas Moyano y Alemão.

 

Salió bien al alcuentru'l Real Oviedo que dende'l primer momentu goció de los primeros acercamientos del choque. La primera llegó nel 8' nes botes de Sebas Moyano. Un saque d'esquina botáu por Cazorla cayó-y al "7" que col esterior remató percima de la meta malagueña. Otra vegada a balón paráu, y nuevamente d'un córner, producióse la más clara para los azules d'adelantrase nel marcador. Dani Calvo remató un balón muertu na área pero un defensor del combináu local sacó'l balón en llínea de gol. 

 

Los aproximamientos siguíen siendo para los de Javi Calleja anque'l 0-0 nun se movía nel marcador. Tres otru intentu de Ilyas Chaira dende la frontera, Sebas Moyano tuvo otra gran opción de poner el primeru pero'l so remate foi estenáu por Alfonso Herrero. 

 

Pasada la media hora de partíu, el Málaga pudo igualar les coses y l'alcuentru entró nun tramu d'igualdá. La zaga carbayona arregló bien los ataques per banda de Kevin y Larrubia y el partíu coló al descansu non ensin antes producise la sustitución de Pomares por Rahim por cuenta de unes molesties del valencianu que-y torgaben siguir sobre'l terrén de xuegu. Descansu.

 

Tres la continuación, Alemão, tres asistencia de Ilyas, fusiló a Alfonso Herrero con un derechazo que'l porteru local despeyó. Los azules volvíen facer méritos pa ponese per delantre pero'l gol nun llegaba. Nel 62´, Hassan y Seoane entraben al terrén de xuegu en llugar de Chaira y Cazorla pa meter piernes fresques nel ataque. L'ariete brasileñu yera un tormentu pa la defensa de los de Pellicer nel minutu 66 a puntu tuvo de marcar un golazu de chilena. Sicasí, el remate acrobáticu del ariete colóse percima del travesal.

 

El partíu entraba nuna fase d'ida y vuelta y ende l'Oviedo volvía tener. Contra comandada por Sebas que garrasti a Hassan por qu'el estremu quedárase mano a mano ante l'Alfonso, anque'l so remate, con pierna esquierda, foi atayáu pol ex porteru oviedista. El Málaga tamién tuvo la suya con un disparu preciosu de Dioni dende la frontera que sacó Aarón con una mano espectacular pa caltener la meta carbayona ensin goles. Cardero y Paraschiv tamién entraron al campu y sería precisamente'l rumanu quién tendría la postrera y más clara ocasión del partíu. El delanteru quedóse mano a mano nuevamente ante Alfonso pero'l so disparu cola derecha colóse raspiando'l palu. Otra acción más que se diba al llimbu pa los de la capital del Principáu. 

 

Cuando paecía qu'empate sería la resultancia final, el Málaga reclamó un penalti de Luengo sobre Einar na postrera del partíu. El VAR mandaba a Sesma Espinosa al monitor y, en revisando l'acción, indicaba penalti y colorada pal central vascu. Con toles miraes puestes en Escandell, el porteru aldovinaba'l llanzamientu pa salvar a los suyos con un paradón que facía cimblar a tol uvieísmu.

 

Pitíu final y repartida de puntos pa dambos conxuntos nun alcuentru onde'l Real Oviedo mereció más y goció de les meyores oportunidaes de gol.