El Real Oviedo tornaba al Carlos Tartiere pa midise al Real Zaragoza na xornada númberu 39 de LaLiga Hypermotion. Los uvieinos llegaben a esti alcuentru en superando a la SD Huesca la pasada fin de selmana y cola obligación de ganar pa tornar a los puntos de playoff. Pa esti enfrentamientu, el técnicu del combináu carbayón, Luis Carrión, allinió un once formáu por: Leo Román, Viti, Oier Luengo, Dani Calvo, Pomares, Colombatto, Seoane, Borja Sánchez, Paulino, Masca y Alemão.
Cuando inda nun trescurrieren los primeros cinco minutos, Dani Calvo tuvo la primer clara del choque. El central aprovechó un balón muertu na área para rematar a espetaperru sobro la meta del Real Zaragoza anque una gran intervención de la meta visitante evitó'l primeru. Pese al fallu l'acción quedó invalidái per fora de xuegu del futbolista oscense. El cuadru carbayón siguió buscando la portería contraria y nel 18', Paulino volvió poner n'apiertos al conxuntu aragonés. Una gran xugada individual del estremu obligó a Cristian Álvarez a realizar una bona intervención pa evitar el primeru tres un bon remate cola pierna esquierda.
Los de Víctor Fernández, pela so parte, intentaron abrir el marcador nesta primer parte con dellos disparos dende fora de la área y al traviés de xugaes a balón paráu anque ensin demasiao ésitu. Los postreros compases del primer periodu trescurrieron ensin demasiaes acciones de peligru pa nengún de los dos equipos y el partíu fue al descansu con tou abiertu pa la segunda metá.
Tres la continuación, Santi Cazorla ingresó al terrén de xuegu pa da-y un plus a la construcción del xuegu carbayón. Minutos más tarde, Dubasin y Sebas Moyano tamién entraben al campu pa tratar de poner el primera nel marcador. Luengo, en rematando un córner na área pequena, y Colombatto, de falta, punxeron n'apuros a la meta del Real Zaragoza anque'l 0-0 siguía imperando nel lluminosu. Dubasin tamién lo intento con dos disparos dende la frontera que se colaron esviaos anque, ensin dulda, el puntu d'inflexón llegó cola colorada directa a Toni Moya. Los de Víctor Fernández quedaron con unu menos y el Real Oviedo echó'l restu hasta que nel 86´ Alemão destató la llocura.
El brasileñu nun falló y el Carlos Tartiere españó de fecilidad con una victoria que fai que los de Luis Carrión vuelvan ocupar la quinta posición de la tabla con 61 puntos. Tres esta perimportante victoria, el combináu de la capital del Principáu vuelve ganar nel Carlos Tartiere y yá piensa con optimismu nel so próximu compromisu ligueru énte'l RCD Espanyol.
