Trés puntos d'oru pa volver a la sienda de la victoria

Ganar o ganar. Asina llegaba'l Real Oviedo al so alcuentru énte la SD Huesca nel Estadiu El Alcoraz. Los azules, tres trés partíos consecutivos ensin ganar, encaraben esta xornada númberu 38 de LaLiga Hypermotion cola necesidá de collechar un trunfu col que siguir somorguiaos na engarradiella pol playoff d'ascensu. Con novedaes na alliniación titular y con cambéu de sistema incluyíu, Luis Carrión optó por salir d'entamu con: Leo Román, Viti, Oier Luengo, Dani Calvo, Pomares, Seoane, Colombatto, Paulino, Borja Sánchez, Masca y Alemão.

La primer partes trescurrió ensin escesives ocasiones de peligru pa nengún de los dos conxuntos onde'l cuadru local trató de tener la posesión de balón. Nunu de los primeros acercamientos del combináu carbayón, Paulino de la Fuente dio'l primer avisu con un disparu dende dientro de la área que salió esviáu. Los d'Hidalgo trataben de llegar sobro la portería de Leo Román al traviés del xuegu per banda y colgando balones en busca de Samu Obeng que tuvo una guerra constante con Oier Luengo y Dani Calvo durante la primer metá.

Pasada la primera media hora de xuegu, Masca aprovechó un bon pase peneráu de Alemão a la contra pa poner el primeru pero'l so remate, cola derecha, nun atopó portería. El portugués tamién sería'l protagonista unos minutos más tarde cuando tuvo apuntu de llegar a un buen pase peneráu por Pomares que-y dexaba mano a mano.

Sacantes pequenos rellumos d'unu y otru equipu y d'acercamientos intermitentes los primeres 45 minutos trescurrieron ensin demasiaos respigos y el choque quedaba totalmente abiertu pa la segunda parte. Tres una primer metá de tantéu, el Real Oviedo dio un pasu adelantre y salió meyor al campu tres el pasu por vestuarios. Nel  51', Paulino de la Fuente rompió'l 0-0 con un bon remate de cabeza tres un centru de Pomares dende la banda derecha. Los uvieinos nun fallaron na primer clara de la segunda parte y poníense per delantre nel marcador. 0-1.

El Real Oviedo nun quitó  el pie del acelerador y unos minutos más tarde Masca, tres un bon contraataque, remató la xugada con un gran remate que se coló raspiando'l palu. El conxuntu aragonés echó'l restu en busca del empate y nel 57', Martos, tendría'l 1-1. El llateral de la SD Huesca remató con potencia dende dientro de la área anque Luengo sacó'l balón prácticamente baxo palos pa evitar la igualada.

El pasu de los minutos fixo que Carrión moviera'l banquín y nel 62' Dubasin y Borja Bastón ingresaron nel terrén de xuegu en llugar de Masca y Alemão. Los aragoneses foron con too a pol empate pero l Óviedo llogró aguantar y caltener la so portería a cero. Na recta final del alcuentru, el colexáu indicó penalti a favor del Huesca por una mano de Oier  na área anque darréu, y en siendo avisáu pol VAR, anuló la so decisión en revisando l'acción. Leo Román tamién se vistió d'héroe para, con una mano maxistral, evitar l'empate y caltener la so portería a cero.

Yá nel descuentu, y col cuadru local entornáu, Borja Sánchez mató'l partíu a la contra con un gran gol que certificó la victoria para'l Real Uviéu. Trés puntos cruciales para los de Luis Carrión que tornen a la sienda de la victoria y asítiense na tabla con 58 puntos y en quinta posición a falta de que remate la xornada.