Empate con discutiniu nel Carlos Tartiere

El Real Oviedo tornó esti llunes al Carlos Tartiere pa cerrar la xornada númberu 26 de LaLiga Hypermotion. Los azules queríen dar un golpe enriba de la mesa y aprovechar les resultancies de la xornada para averase al lideralgu. Para ello, y tres una selmana llarga y distinta, Javi Calleja allinió un once formáu por: Aarón Escandell, Pomares, Calvo, Costas, Nacho Vidal, César del Foz, Colombatto, Portillo, Sebas Moyano, Paulino y Alemão. 

 

Un Oviedo dominador y llevando tol pesu de la primer parte. Asina podría resumise el primer periodu del cuadru carbayón. La superioridá azul foi notable dende l'entamu cuando Dani Calvo, tres un córner a favor, dio'l primer avisu con un remate que se coló esviáu. Otra bona acción de Nacho Vidal per banda, que remató Paulino fora, tamién foi otra de les acciones a mentar. Pela so parte, el CD Eldense plantegó un partíu d'esperar tras y tratar de salir con peligru a la contra.

 

Tres la continuación, Paraschiv entró por Paulino de la Fuente pa tratar de llegar con mayor peligro a la área contraria. El segundu periodu tuvo más trabáu y la claridá azul nun foi tan evidente para cafiar la meta defendida por Dani Martín. Calleja metió más pólvora sobro'l terrén de xuegu ya introdució a Hassan y Seoane. El choque trescurría cola igualdá nel marcador cuando, una vegada entrada na recta final del choque, el colexáu nun señaló un penalti claru por mano na área yá que interpretó qu'hubiera falta previa na xugada anterior.

 

El Carlos Tartiere nun entendía nada nin tampoco los futbolistes sobro'l campu pero'l penalti nun yera señaláu. L'Oviedo apertó los últimos minutos con Cazorla yá sobro'l campu pero l'allampáu gol nun llegó. Final y cabréu nes graes del municipal uvieín que volverán enllenase'l próximu domingu, a partir de les 21:00 hores, pa guardar el Real Oviedo vs Albacete BP.