La racha sigue... y yá van cinco

El Real Oviedo tornaba esti domingu al Carlos Tartiere para encariar una nueva xornada del campeonatu ligueru. Los azules, que llegaben al alcuentru en sumando cuatro victories consecutives, encariaben nesta ocasión el partíu correspondiente a la xornada 39 de la LaLiga Smartbank para midise al Real Zaragoza. Los d'Álvaro Cervera formaben d'entamu con: Tomeu Nadal,  Lucas, David Costas, Luenngu, Abel Bretones, Moro, Luismi, Camarasa, Viti, Manu Vallejo y Sergi Enrich.

 

Empezó l'alcuentru con bastante igualdá ente dambos conxuntos. Los uvieinos trataron d'imponer el so estilu de xuegu dende l'entamu coles mires de llegar con peligru sobro la meta rival. Lucas, dende'l perfil derechu, trató de xenerar peligru con dellos centros que, finalmente, nun atoparon rematador. Nel minutu 30, Sergi Enrich tendría la más clara hasta'l momentu con un llanzamientu dende fora de la área tres una bona xugada grupal.  Sicasí, el so tiro colóse esviáu y el 0-0 siguía nel marcador.

 

El Real Oviedo punxera una marcha más y siete minutos más tarde los azules atopónse col premiu del gol. Moro realizó una gran xugada individual que remató Viti Rozada p'anotar el primer tantu del alcuentru. Los intres finales del primer tiempu trescurrieron ensin demasiaes ocasiones y el carbayones colaron al descansu per delantre nel lluminosu.

 

Tres la continuación, unu de los pocos acercamientos del Real Zaragoza sobro la meta de Tomeu Nadal terminaría en gol. Bermejo anotaba'l tantu del empate con un bon disparu dende fora de la área énte'l que nada podía facer el porteru balear. El combináu d'Álvaro Cervera nun duldó en reponese del tantu visitante y Manu Vallejo avisó nel 61'. El gaditano remató a la media vuelta un balón muertu na área, anque'l so disparu foi atrapáu por A. Ratón

 

Díez minutos más tarde, Enrich pudo poner per delantre al conxuntu uvieín pero'l so disparu nun llogró'l premiu del gol. Sequeira y Masca ingresaben al terrén de xuegu nel 77' pa tratar de poner en ventaya al Real Oviedo y el portugués sería l'encargáu de desamarrar la llocura nel Carlos Tartiere. El delanteru anotaba'l tantu de la victoria na última acción del alcuentru con un gran disparu dende la frontera de la área énte'l que nada podía facer Álvaro Ratón.

 

Nueva victoria pa los uvieinos qu'atropen cinco trunfos consecutivos y que lleguen en plena forma al derbi asturianu de la próxima xornada. Con estos trés puntos los de Cervera asitiáronse n'octava posición con 55 puntos.