Repartida de puntos nel Carlos Tartiere

El Real Oviedo estrenaba esta temporada nel Carlos Tartiere pa midise al Racing Club de Ferrol na xornada númberu 2 de LaLiga Hypermotion. Los d'Álvaro Cervera llegaben al municipal uvieín col oxetivu claru de sumar trés puntos énte la so afición y pallo el técnicu del conxuntu carbayón alliniaba un once formáu por Leo Román, Mario Hernández, David Costas, Dani Calvo, Abel Bretones, Camarasa, Jimmy, Viti, Romario, Sebas Moyano y Borja Bastón.

 

L'alcuentru arrincó colos locales tratando d'imponer el so estilu de xueguy llevando la iniciativa del choque ente que el Racing de Ferrol esperaba tras pa salir al contragolpe. La primer acción de peligru pa los azules tuvo na cabeza de Sebas Moyano que remató un córner botáu por Jimmy anque'l so disparu foi mansamente a les manos del porteru. La posesión siguía siendo pa los de Cervera anque nel minutu 32 una acción desafortunada na área del Real Oviedo terminaba con penalti pa los gallegos. Señé nun fallaba dende los once metros y ponía en ventaya al cuadru visitante.

 

Pese al tantu encaxáu, el conxuntu de la capital del Principáu nun camudó'l guion y fixo tolo posible por empatar l'alcuentru. Cuando'l partíu averar al descansu, Delmas era espulsáu con colorada directa por una dura entrada sobro Sebas Moyano que dexaba a los gallegos con unu menos. Yá col tiempu cumplíu, Bastón taba a puntu de rematar un bon centru de Viti dende la derecha pero'l defensor del Racing de Ferrol intervenía nel últimu momentu pa caltener a los suyos per delantre nel marcador.

 

Tres la continuación, Víctor Camarasa ponía l'empate nel 47´ y devolvía l'allegría al uvieísmu. El mediocentro definía a la perfección cola derecha

una dexada de Bastón en cantu de la área y ponía el 1-1 nel lluminosu. Col tantu de la igualada, el Real Oviedo echó'l restu y llanzóse a pol tantu de la victoria. Alemão ingresó al terrén de xuegu nel minutu 61´ por Romario Ibarra y acompañó a Borja na punta d'ataque coles mires de sumar más efectivos na área.

 

Abel Bretones y Mario Hernández comandaron les internaes per banda de los azules y nun dexaron de poner centros dende les bandes. Yá nos minutos finales, Paulino de la Fuente, Pomares y Álex Cardero entraron al campu pa tratar de certificar remontar anque nun foi posible. Alemão, nel 84´, remató dende fora de la área una bona xugada personal anque la so unviada colóse llixeramente esviáu percima del travesal.

 

Magar la insistencia, el combináu d'Álvaro Cervera nun pudo sumar de trés y sumó, finalmente, un puntu nel so estrenu esta temporada nel Carlos Tartiere. La primer plantiya va tornar a los entrenamientos mañana, llunes, pa empezar a preparar el so próximu alcuentru de LaLiga Hypermotion énte'l Burgos CF nel Estadiu Municipal d'El Plantío.