Un puntu que sabe a pocu

El primero del 2025 y con un derbi asturianu. El Real Oviedo arrincaba l'añu en casa y nunu de los partíos más especiales de la temporada nel que s'enfrentaba al Real Sporting de Xixón. Los uvieinos queríen arrincar la segunda vuelta de la temporada de la meyor manera posible y para ello'l Carlos Tartiere vistióse de gala. Con delles baxes nel centru del campu, Javi Calleja optó por dar entrada a Álex Cardero como principal novedá nel once y formó con Aarón Escandell, Oier Luengo, Dani Calvo, David Costas, Pomares, Sibo, Colombatto, Portillo, Cardero, Chaira y Alemão.

 

Igualdá y poques ocasiones. Asina podríen resumise los primeres 45 minutos del derbi asturianu. Nengún de los dos equipos supo instaurar el so xuegu y el primer periodu tuvo marcada poles tarxetes marielles que vieron, sobremanera, los futbolistes del conxuntu rival. Campuzano, Cote, Diego Sánchez y Álex Cardero fueron los futbolistes amonestados. 

 

Tres una primer parte ensin enforma que destacar, Hassan entró al campu en llugar d'Álex Cardero y el segundu tiempu nun pudo arrincar meyor. Colombatto avisó namás empezar y nel 48´, Hassan, que llevaba solo dos minutos nel campu, desamarró la llocura. Alemão con una dexada habilitó al estremu para, con un toque sutil, poner el balón imposible para Yáñez y abrir el marcador. El tantu nun camudó nada y l'Oviedo siguió enriba en busca del segundu. Alemão, con un remate complicáu, a puntu tuvo d'ampliar la ventaya pero un paradón del meta visitante evitar. 

 

Sebas entró nel 73´ anque'l Real Sporting nunu de les poques acciones de peligru de la segunda parte llogró empatar el derbi. Gol de Gelabert y 1-1. L'Oviedo intentólo hasta'l final, con Paulino y Paraschiv yá como últimos revulsivos, pero la victoria nun llegó. Puntu y sabor agriduz para los de Javi Calleja qu'hasta la recta final vieron mui cerca los trés puntos.