Les escolines del Colexu Sagrada Familia de L´Entregu, Aitana Velasco y Sara Cuello, de 11 y 12 años, respectivamente, donaron al club el so trabayu n'asturianu sobro la entidá azul, que foi promovido pola so profesora Vanesa Antolín Santirso, uvieista y fiel siguidora del día ente día del conxuntu azul, dientro de los distintos actos que se realicen nos centros educativos del Principáu por cuenta de la Selmana de les Lletres Asturianes. Vanesa, que, amás d'exercer la docencia L´Entregu, ye profesora d'asturianu nel Colexu Duce Nome de Jesús d'Uviéu, impulsó'l desenvolvimientu de dellos trabayos sobro distintes temes rellacionaes cola nuesa rexón pa promover ya impulsar l'asturianu ente los sos alumnos. El trabayu realizáu por Aitana y Sara trata de distintos aspeutos del club, como'l so himnu, l'escudu, l'uniforme y otros datos d'interés sobro la institución uvieista. Por cuenta de la realización d'esti proyectu, el Real Oviedo convidó a Aitana, Sara y Vanesa a visitar el NMR Carlos Tartiere, onde realizaron una visita poles sos instalaciones y depositaron el so trabayu al pie de otros archivos nel muséu del conxuntu de la capital del Principáu.
