El Real Oviedo tornaba esta tarde al Carlos Tartiere para encarar el partíu correspondiente a la xornada 25 de la LaLiga Smartbank énte'l Villarreal B.
Los d'Álvaro Cervera formaben d'entamu con: Braat, Lucas, Rodri Tarín, Dani Calvo, Abel Bretones, Viti, Mangel, Jimmy, Leo Sequeira, Koba y Bastón.
El conxuntu azul arrincó'l partíu llevando la iniciativa como sueli ser habitual nos partíos apostaos en casa. Sicasí, y cuando s'acababa de cumplir el minutu 10 de partíu, sería'l Villarreal B el que marcara primeru. Fer Níño, de cabeza, batía a Braat tres un bon centru dende la esquierda y consiguía adelantrar al equipu visitante. Pese al varapalo, la respuesta del combináu d'Álvaro Cervera nun se fixo esperar y Viti nel 15', con un gran disparu dende la frontera, a puntu tuvo de poner l'empate nel marcador. Los carbayones siguíen buscando la igualada y nesta ocasión sería Tarín l'encargáu de poner n'apuros al porteru rival con un remate de cabeza
dientro de la área a centru d'Abel Bretones. Bastón tamién dispondría d'una gran oportunidá nos primeres 45 minutos con un mano esquito énte'l porteru, pero la so xugada foi anulada per fora de xuegu.
Tres la continuación, el "9" tendría la más clara del partíu con un remate de cabeza, a centru de Jimmy, que se diba esviáu percima del travesal. Los uvieinos siguíen acesmando la meta contraria ente que el Villarreal B aguantaba la ventaya y apenes abeyaba per la meta de Quentin Braat. El Real Oviedo, que nun se rindió y nun dexó d'intentalo, volvería tener l'empate. Nesta ocasión, na cabeza de Viti. El de La Pola Llaviana remató de cabeza un gran balón de Bretones, pero'l so disparu colóse raspiando'l llargueru.
Nel 79´, el combináu carbayón reclamaría un posible penalti sobre Bastón dempués d'un agarrón del defensor visitante anque'l colexáu nun señalaría nada. Los azules intentáronlo hasta l'últimu minutu pero finalmente non conseguireron llograr l'empate. Tres siete xornaes consecutives ensin perder en casa, dempués de seis victories y un empate, el Real Oviedo tratará de volver a la sienda de la victoria nel próximu compromisu ligueru énte'l Málaga en La Rosaleda.
Los uvieinos van tornar mañana domingu a los entrenamientos pa preparar el partíu en tierres andaluces.
