El Real Uviéu xuega esti domingu 19 d'agostu, a les 19:00 hores, el partíu correspondiente a la Xornada 1 en Liga 1|2|3, énte l'Extremadura UD.
Los abonaos del Real Uviéu tienen entrada gratuita pa esti partíu. En tola xornada del domingu, dende les 11:00 hores al principiu de partíu, van tar abiertes les oficines nel Carlos Tartiere pa la emisión d'abonos. Ye importante señalar que los abonos online emitíos hasta esti vienres 17 d'agostu a les 19:00 hores van poder retirase en taquilla d'incidencies, xunto a la puerta 34. Los abonos online emitíos dende les 19:00 hores de güei, nun van tar disponibles hasta'l llunes 20 d'agostu.
Recuérdase que tolos aficionaos han entrar al estadiu Carlos Tartiere peles puertes indicaes nos sos abonos y localidaes, y que tal y como marca la normativa vixente ye menester presenciar el partíu nos sos asientos y nun ocupar zones de pasu nin permanecer nos pasillos.
Les taquilles pa la venta de localidaes van tar abiertes dende les 17:00 hores. Los precios de les localidaes pa públicu xeneral, que tamién han entrar peles puertes indicades nelles, son estos:
Adultu: 25 €
Sub-18: 15 €
Asina mesmo, nesti partíu énte l'Extremadura UD, van tar en funcionamientu un total de 24 puertes d'accesu n'estadiu Carlos Tartiere: 1-3-4-5-6-8-9-10-11-12 y 12-bis-13-14-15-17-19-20 y 20-bis-24- 25- 30-32- 34 y 37. L'apertura de puertes va facese a les 18:00 hores. Dende esa mesma hora va tar disponible'l serviciu de consigna de sielles de neñu, pa que los asistentes al partíu puedan desplazar a los sos pequeños hasta'l momentu d'entrada al estadiu. Esta consigna va tar disponible na puerta 4 del Carlos Tartiere, y la siella tien que se depositar primero d'acceder al estadiu. A la entrega del carrín de neñu los sos portadores van recibir un tique col que, hasta trenta minutos depués de la conclusión del alcuentru, van poder retirar la siellina. Esti serviciu, namás pa carrinos de neñu, va tener un costu de dos euros.
Recuérdase que nun ta permitíu l'usu fraudulentu d'abonos (non correspondientes a la categoría de la persona qu'accede al estadiu) y el club acuta pa él el derechu a retiralu nel casu de detectase la reiteración del so usu incorrectu.
Tocante a los accesos, recuérdase la disponibilidá de les places de los dos aparcamientos na contornada del estadiu Carlos Tartiere. La situación d'entrambos amuéstrase nesti planu.
Va tar en funcionamientu'l serviciu especial d'autobuses TUA pa dir al estadiu Carlos Tartiere, y volver n'acabando'l partíu. La hora calculada de llegada al campu va ser alredor de les 18:30 hores.
C2 Dende Llugones 17:45
E2 De La Monxina 17:50
F2 D'Alonso de Proaza 17:50
H2 Dende Cualloto 17:55
