La segunda ronda de Copa del Rei llevó al Real Oviedo a La Rosaleda, nel primer partíu de los dos que va encarar esta selmana énte'l Málaga en tierres andaluces, cola resultancia de 1-0 a la fin de la prórroga.
Con un once formáu por Femenías; Johannesson, Carlos Hdez, Arribas, Mossa; Sangalli, Jimmy, Aburjania, Cedric; Obeng y Riki, salieron los de la capital del Principáu sobro'l verde de la Rosaleda, nun partíu trabáu, que mientres los 90 minutos túvonos un claru dominador. Na primer metá, con delles ocasiones pa dambos equipos, el marcador nun se movió. Tres el pasu por vestuarios, dambos conxuntos intentáronlo, ensin llegar a materializar les ocasiones de les que dispunxeron. Nahuel y Viti primeru, y Borja Valle y Javi Mier darréu, fueron los cambeos introducíos por Ziganda mientres los 90 minutos reglamentarios. Col empate'l partíu llegó a la prórroga, cola mesma tónica apostada, con repartida de xuegu y d'ocasiones. El Málaga
aprovechó una acción aisllada, al refugue d'un disparu sobro la portería de Joan Femenías, poniendo'l gol de la victoria nel marcador. Javi Mier vería la segunda tarxeta mariella, dexando al conxuntu oviedista con unu menos sobro'l verde. Grippo sería l'últimu cambéu introducíu por Ziganda.
Esti sábadu los azules van volver a la Rosaleda, encarando una nueva xornada de LaLiga énte'l conxuntu de la Costa del Sol, dende les 18:15 hores.
