L'ambiente del Carlos Tartiere yera'l de los grandes partíos, con Melendi animando en casa previu pasu por vestuarios a dar ánimos a los suyos. Apostó Bolo per un centru del campu con Koba y Montoro, amás de Enrich en punta al pie de Bastón. Y resultó.
La primer parte foi de dominiu absolutu uvieista, maniando a un Llevante que nun esmolió la meta de Tomeu. Doble remate na área a los 12 minutos. Adelantróse'l conxuntu oviedista tres dempués, primer gol para Sergi Enrich con esplosión d'euforia del Tartiere. Siguió col control del partíu'l conxuntu oviedista anque la más clara nun llegaría hasta pasada la media
hora de botes de Borja Sánchez, con un remate con efectu que se coló raspiando'l segundu palu.
Na segunda metá y con dellos cambeos nel Llevante camudó'l guión y el conxuntu valencianu se desmelenó. Ataque y mayor presencia, hasta que llogró l'empate n'una xugada con dos remates de cabeza na área y mala fortuna. Enfrescó files Bolo, -y dió entrada a Obeng, Hugo Rama y Javi Mier, para entornase a pol trunfu. La espulsión de Pepelu por doble
mariella afaló nos diez minutos finales al Tartiere. Equipu y afición entornaos pero, entá con ocasiones, el gol de la victoria nun llegó. Bon esfuerzu y reconocencia del trabayu despidiendo al equipu con ovación.
