Partíu'l d'esta tarde correpondiente a la xornada 10, na que'l Real Oviedo midióse a la SD Huesca. Arrincaba l'equipu de Jon Pérez Bolo con cambeos nel once con respectu al presentáu en Zaragoza y nun empezara mal el conxuntu azul.
Casi nel entamu de partíu, minutu 3, un testerazu de Oier Luengo pudo suponer el 1-0 pero colaba cerca. Apoderaben el xuegu el carbayones que teníen les ocasiones de peligru.
Primero Obeng nun chut que se diba alto, y darréu Hugo Rama nel 13’ con un gran disparu que se colaba pela escuadra y que repelió Andrés Fernández, pudieron facer xusticia a vistir durante los primeres 45 minutos.
Descansu con tables y una segunda parte que nun traería bones noticies. Nel 54, Carriellu adelantraba a la SD Huesca tres una internada per banda derecha.
Un marcador que magar los aceleríos del Real Oviedo, con clares ocasiones como la de Obeng nel minutu 69 a pase de Lucas y remate que nuevamente repelió el porteru visitante, nun camudaría hasta'l final del alcuentru.
Mañana, nueva sesión d'entrenamientu n'El Requexón para preparar el partíu d'esti sábadu nel Carlos Belmante ente l'Albacete.
