Esta nueche apostaba'l Real Oviedo´l so primer partíu a les ordes d'un Álvaro Cervera que nel once apostaba d'entamu por Tomeu Nadal, David Costas, Luismi, Javi Mier, Viti, Borja, Luengo, Aceves, Montoro, Lucas y Abel Bretones.
Primer metá non bien vistosa no qu'a fútbol se refier pero na que la intensidá tuvo presente mientres los primeres 48 minutos. Y fueron esos tres minutos d'agregu los que traeríen una bien bona noticia para'l cuadru carbayón. Gran contra na que'l balón circuló de llau a llau para terminar nos pies de Viti que de tacón dexaba para Lucas, centru del llateral y manos na área sancionaes con penalti. Bastón executaba la pena màxima para llevar el choque con 1-0 al descansu.
La segunda parte arrincaría con más presencia del Real Oviedo en campu contrario y una presión alta sobro les llínees de creación de el andaluces. Los d'Álvaro Cervera concedíen poco en defensa y buscaben con acciones per banda aumentar la distancia nel lluminosu. Ye por ello que'l técnicu oviedista introdució sobro'l terrén de xuegu a Sergi Enrich y Samuel Obeng pa ganar más presencia n'área rival. Marcelo Flores sería'l siguiente cambéu, y yá nos minutos finales Hugo Rama saltó sobro'l verde. El conxuntu de la capital del Principáu concluyó'l partíu buscando aumentar la diferencia nel lluminosu, pero nun llogró'l so propósitu.
Tres puntos capitales pa los intereses oviedistas, que vuelven consiguir una victoria ocho xornaes dempués. Los azules van viaxar la próxima xornada a Vitoria pa vese les cares col Deportivo Alavés.
