Real Oviedo y CD Lugo viéronse les cares nel Anxo Carru, na trixésimu segunda xornada en LaLiga SmartBank, con resultancia d'empate a un gol al términu de los noventa minutos reglamentarios.
Ente 1.500 uvieistes que se rexuntaron nel estadiu lucense, el conxuntu de la capital del Principáu saltó sobro'l terrén de xuegu con un once formáu por Femenías; Lucas, Rodri Tarín, David Costas, Dani Calvo, Mossa; Brugman, Jimmy; Jirka, Hugo Caña y Borja Bastón, volviendo al sistema de cinco defenses pa compensar el xuegu del equipu de Rubén Albes. L'emburrie del Lugo superó a los oviedistas los primeres venti minutos, defendiéndose con criteriu y ensin demasiao trabayu pa Femenías. Nun llograba crear el conxuntu oviedista n'ataque, ensin acercamientos con peligru a la meta gallega. La más clara túvola Lucas a pase de Mossa na área, pero'l so remate colóse alto.
Al descansu fixo Ziganda tres cambeos, modificó'l sistema y -y dió entrada a Viti, Javi Mier y Borja Sánchez. De nuevu arrincó l'equipu local fuerte, y anotó en balón paráu. A partir d'entós y escosando los cambeos, los azules fuéronse enriba. Dos vegaes intentáronlu en llanzamientu alloñáu Brugman, colóse esviáu por pocu. Borja Sánchez remató al refugue, y colóse xuntu al poste esquierdu. El VAR intervieno pa decretar una mano na área y un penalty que tuvo que ser repitíu por adelantamientu del porteru. Anotó Borja Bastón y empató l'equipu pa rascar al menos un puntu del Anxo Carru.
