Partíu nel Carlos Belmonte l'apostáu ente Albacete y Real Oviedo correspondiente a la Xornada 11. Nos minutos previos al pitíu inicial, homenaxe al guardamete azul Tomeu Nadal, al que se-y reconoció'l so pasu pol club manchegu cola entrega d'una elástica col númberu d'alcuentros apostaos na so etapa como xugador del Albacete, 197.
Duelu bien competíu mientres los primeres 45 minutos, nos que l'equipu de Jon Pérez Bolo dispunxo de la primer ocasión del choque con un robu de Bastón na frontera que remataba con un disparu que se colaba a la derecha del porteru.
Pasada la media hora de xuegu, los meyores minutos del Real Oviedo que nun llograba materializar les ocasiones de Javi Mier y Montoro, con dos talos disparos dende media distancia.La más peligrosa del Alba a los 41 minutos. Una gran intervención del meta carbayón consiguía que los azules caltuvieren les tables nel marcador con un meritoriu estene a córner.
La segunda metá arrincó ensin un dominador claru y anque el peligru rondó l´área visitante en dellos minutos, pudo ser Pomares quien adelantrara al conxuntu azul nel minutu 72. Xugada a balón paráu que remata n'última instancia'l llateral uvieín y que repelía Bernabé a córner nuna gran espurrida. La suerte tampoco ta aliada col Real Oviedo nesti entamu de campeonatu y nel 82 un gol anuláu a Kawaya subió finalmente al marcador tres revisión del VAR por un inesistente fora de xuegu previu.
Finalmente, primer derrota llueñe del Carlos Tartiere d'un equipu que va tratar de revertir la situación la próxima xornada énte'l Málaga en casa.
