El Carlos Tartiere pesllaa la xornada con un ambiente de nueche importante, non precisamente con aspeutu de llunes. Emburrió l'estadiu oviedista al equipu de Ziganda qu'apostó pol mesmu esquema de nuevu con dos delanteros, y Sangalli en banda énte un Real Zaragoza que llegaba cola temporada fecha.
Adelantróse llueu l'equipu de Ziganda con un penalty decretáu minutos dempués pol VAR y que Borja Bastón tresformó nel unu a cero. Poco-y duró l'allegría al equipu qu'un par de minutos dempués y con mancadura de Pierre incluyida encaxaba l'empate y depués l'unu a dos. Empataba Obeng de nuevu, y antes del descansu volvía anotar el Real Zaragoza colándose con ventaya a vestuarios.
Na segunda'l Real Oviedo entornar a pola victoria. Sufrió riesgos qu'estenó Femenías, y anotó l'empate con un auténticu golazu Gastón Brugman, que resultaría ser el 3-3 definitivu. Intentólo con corazón y emburrie del Tartiere, llegó otru penalty a favor del conxuntu oviedista, que volvió llanzar Bastón pero esta vegada paró Cristian. El Tartiere despidió a los suyos con tol ánimu y una zarrada ovación pa enllena-yos d'enerxía de cara al importante partíu en Las Palmas.
