Ente más d'un millar de oviedistas, el Real Oviedo encaró la xornada 20ª en LaLiga SmartBank, na que los azules viéronseles col Real Valladolid, nun alcuentru qu'acabó cola resultancia de 2-1 en contra de los intereses oviedistas.
Femenías; Carlos Isaac, David Costas, Arribas, Pierre; Jimmy, Luismi, Brugman; Jirka, Borja Sánchez y Borja Bastón fueron los escoyíos pol técnicu navarru pal alcuentru énte'l conxuntu pucelanu.
La primera parte'l Real Oviedo ta ordenáu en defensa, busca les contras en defensa y dexa el control del balón al Real Valladolid, que s'atopa un gol nos diez primeros minutos de xuegu. Tres el gol el conxuntu de la capital del Principáu busca'l llombu de los llaterales. Nunu de los balones llargos, Jirka asisti a Borja Bastón pa que remate a prestar y pon el 1-1 nel marcador. Col empate los azules vuelven facer gala del so bon trabayu defensivu. Nel descuentu'l Real Valladolid atopase con una acción casual de Femenías, qu'adelantra a los del José Zorrilla nel lluminosu.
La segunda metá empieza con un tiru de falta del Real Valladolid, pero los azules nun se vienen tras y busquen consiguir la igualada nel lluminosu. El Real Oviedo dispon del control de xuegu, con un Real Valladolid qu'aprovecha les contras pa facer dañu a los oviedistas.
L'árbitru señala pena máxima sobro Brugman, que Borja Bastón llanza percima de la meta del porteru local. Pombo, Sangalli, Matheus, Lucas y Joni Montiel fueron los cambeos introducíos por Ziganda, nun alcuentru qu'acabó ensin ocasiones pa nengún de los dos equipos.
Derrota azul del conxuntu de la capital del Principáu nel José Zorrilla, onde más d'un millar de oviedistas afalaron al so equipu, que nun pudo sumar de tres pa metese de llenu na llucha pol Play Off.
