El Real Oviedo llegaba al Plantío de nuevu col terrible sofitu de los mil oviedistas movíos, mesmu once anque con estrenu de piel. La sacavera utilizada per primer vegada n'una tarde de sol ya intensu calor en Burgos.
Tres unos primeros minutos de dominiu alternu, la primer metá foise inclinando pal dominiu local col pasu de los minutos. El conxuntu oviedista, ensin conceder, defender con disciplina y criteriu, pero ensin afigurar poderíu n'ataque. Foi nos compases finales de la primer metá cuando, con claridá, pudo adelantrase l'equipu de Bolo nuna triple ocasión uvieista. Primero un potente disparu de Borja Sánchez que se diba a la escuadra, pero una gran intervención de Caro llogró estenar. Koba estrelló un remate nel poste, y Montoro tamién probó suerte ensin fortuna, para dise al descansu col cero a cero inicial.
Na segunda'l guión arrincó similar a la fin de la primera. El dominiu uviedista foise esleiendo col pasu de los minutos. La más clara foi nun pase de Sangalli a Bastón, qu'unvió alto en diéndose un poco llargu'l control. Movió banquín Bolo: entraron Bretones, Marcelo y Javi Mier. Dos bones intervenciones de Tomeu Nadal caltuvieron la meta uvieista a cero. Los minutos finales, con Obeng y Hugo Rama nel campu, tuvieron la postrera para los uvieistes, con un bon control de Borja Bastón en carrera que buscaba'l segundu palu, pero que se coló fora.
Finalmente un puntu más para'l Real Oviedo, qu'estimó'l sofitu de los mil oviedistas movíos, y torna a casa con una selmana per delantre para ganar al Ibiza.
