Y Lezama foi azul, gracies a los 500 oviedistas nes graes que vieron como'l so equipu collechaba un puntu ente un Amorebieta que-y punxo les coses difíciles a los del Cuco Ziganda.
Femenías; Carlos Isaac, David Costas, Dani Calvo, Pierre; Viti, Brugman, Luismi, Borja Sánchez; Obeng y Borja Bastón fueron los escoyíos pol técnicu navarru pal choque de la xornada 26.
L'alcuentru concentró tola emoción nos diez primeros minutos, onde llegaronlos tantos de dambos equipu. El Real Oviedo salió a facese col control del xuegu, con posesiones y combinaciones pa llegar a la área rival. Nuna d'eses acciones, tres una gran xugada de Borja Sánchez, Borja Bastón punxo de tacón el primeru pa los oviedistas. El Amorebieta retrucó y punxo l'empate a los pocos minutos de xuegu. Col empate, el partíu camudó por completu, con un Real Oviedo que llevó a cabu un xuegu directu, con internaes per banda pa crear peligru. La primer metá conclúi con dominiu azul, pero con un Amorebieta que xeneró más ocasiones.
Tres el pasu por vestuarios, el trescurrir foi similar, bona salida de balón de los de Ziganda, que trenzaron xugaes p'averase a la meta de Santamaría. Pombo foi'l primer cambéu de los azules, dándo-y un nuevu aire al conxuntu de la capital del Principáu. Hugo Caña, que debutó, Javi Mier y Matheus tamién cuntaron con minutos.
Los azules suman un nuevu puntu nel so casillero, nun campu complicao, y dende mañana van empezar a preparar el partíu de la próxima fin de selmana ente la SD Huesca.
