Qu'el tropiezu en Tenerife fuera un accidente foi una frase bien repitida durante la selmana n'El Requexón, onde'l Real Oviedo preparó la xornada 25 de LaLiga SmartBank ente'l Almería, que terminó con victoria azul por 2-0 y cola demostración de que la entrega y la garra nun s'axusten nesti equipu.
Optó Ziganda por un once formáu por Femenías; Carlos Isaac, Dani Calvo, David Costas, Pierre; Viti, Jimmy, Luismi, Borja Sánchez; Obeng y Borja Bastón pa doblegar a un Almería que visitaba l'estadiu oviedista cola urxencia de sumar de tres dempués de delles xornaes ensin consiguir la victoria.
Tres un minutu de silenciu en memoria de Doña Sylvia Ayub de Elías, madre del nuesu Arturo Elías, dio empiezu un partíu nel que'l Real Oviedo saltó al terrén de xuegu bien metíu n'ataque, queriendo'l balón y buscando les bandes pa facer dañu al Almería, cola banda de Pierre y Borja como principal flancu d'ataque sobro el andaluces. Avisó Borja Sánchez, tres una bona combinación con Borja Bastón, pero'l so tiru salió repelido pola madera. Los azules nun sufríen en defensa y buscaben abrir el marcador. El gol llegó nuna bona xugada pola esquierda, cuando Borja Bastón, dientro dela área, remató a bocaxarru pa superar a Fernando. Col 1-0 llegóse al descansu.
Tres el pasu por vestuarios el Almería tuvo más protagonismu, pero'l Real Oviedo siguió'l guión de la primer metá, bien ordenáu tras y ensin conformase col 1-0. Siguíen los de Ziganda atacando per banda, ente un Almería que quería dar un pasu adelantre, anque ensin xenerar ocasiones clares de gol. La insistencia azul llevó a los de la capital del Principáu a poner el 2-0 nel marcador, con un bon centru de Pierre a la área que la defensa almeriense introdució na so propia portería. Tres el tanto oviedista el Almería quitó-y la pelota a los de Ziganda, que siguieron aprovechando les contras para buscar el peligru sobre l'arcu de Fernando. Javi Mier foi'l primer cambéu del Real Oviedo, Sangalli el segundu, y Jirka y Lucas Ahijado los postreros en faer la so apaición sobre'l verde.
Tres importantes puntos para los azules nel Carlos Tartiere, onde, col sofitu de l'afición, recuperen sensaciones y vuelven asitiase a una victoria de los puestos de play off.
