Con un ambiente propiu de la máxima categoría del fútbol español y 1.200 pucelanos nel Tartiere, recibía'l Real Uviéu al Real Valladolid de Pacheta. Tres cambeos nel once de Ziganda sobro la pasada xornada. Lucas pol sancionáu Mossa; y Javi Mier nel trivote en llugar de Jimmy; y Borja Sánchez en llugar de Obeng.
Empezó l'alcuentru con un tantéu inicial per parte de dambos equipos pero llueu se-y punxo cuesta arriba a los pucelanos. La espulsión de Carneto por colorada directa tres una dura entrada sobro Viti, decretada tres revisión de xugada nel VAR, dexó con unu menos al Valladolid. Intentólo incansablemente un dominador Real Oviedo énte'l conxuntu pucelanu que trataba d'averase, ensin peligru, nes contras. Munchos disparos oviedistas, pero nengunu atopó portería o atayó la meta o la defensa pucelana. La rapidez nel xuegu combinativo, la velocidá de Viti, el bon entendimientu ente Borja Sánchez y Brugman, y un Borja Bastón que nun dexaba d'intentalo nun fueron abondos.
Na segunda salió a pol gol el Real Oviedo y atopólu. Primero Borja Bastón nun preciosu control a la media vuelta na área. Anuláu per fora de xuegu. Na siguiente xugada llegaría'l bonu. Disparu rasu de Javi Mier tres paré na área, y l'unu a cero pa los azules. Y poco dempués, el segundu. Repitía Borja Bastón pero esta vegada sí subía al marcador. Joni Montiel arredondiaba, yá nel agregu, con un potente disparu escorado a la derecha y un guapu gol que supomía el 3-0 definitivu.
Importante trunfu del Real Oviedo pa devolve-y l'allegría al Tartiere y a la so afición.
