L'últimu domingu de setiembre dexó nel Carlos Tartiere un Real Oviedo- Girona, correspondiente a la xornada 7 en LaLiga SmartBank, que se saldó cola resultancia de 0-0, y que tuvo marcada poles decisión arbitral d'espulsar a Samuel Obeng nos minutos finales del choque.
Ente 9.163 espectadores, la entrada más alta de lo que va de temporada, el Cuco Ziganda allinió un once formáu por Femenías; Lucas, David Costas, Dani Calvo, Pierre Cornud; Viti, Brugman, Jimmy, Borja Sánchez; Borja Bastón y Obeng, que completaron un partíu seriu, con muncha entrega ya intensidá.
Los primeres cuarenta y cinco minutos empezaron con un Girona que salió más intensu al partíu, anque adulces foi venciendo terrenal en virtú de los intereses oviedistas. Los visitantes ficiéronse col control del balón ente un Real Oviedo, bien ordenáu tras, qu'empezó a crecer dende la presión na salida de balón catalana. Buscando les transiciones rápides p'abrir los buecos na defensa del Girona empezaron a llegar les ocasiones de peligru azules. Viti, Obeng, Borja y Dani Calvo tuvieron les más clares del primer actu, anque nun tuvieron l'aciertu de cara p'adelantrar a los de la capital del Principáu. Col marcador inicial llegóse al descansu.
Tres el pasu por vestuarios, el Real Oviedo salió meyor qu'el so rival, llevando dende los primeres compases el peligru sobro la meta defendida por Juan Carlos. El Girona trataba de faese cola pelota, colos de la capital del Principáu aplicaos en llabores defensivos pa cortar les acciones catalanes, que mientres la segunda metá nun consiguieron amedranar a la meta carbayón. Ziganda buscó refrescu nel centru del campu, con Javi Mier y Luismi, y darréu movió'l banquín pa dar entrada a Jirka y Pombo. L'últimu cambéu azul foi Mossa, que sustituyó a Pierre Cornud. El choque concluyó cola espulsión de Samuel Obeng, tres intervención del VAR, por una entrada sobro Jordi Calavera. Magar tar con unu menos, el Real Oviedo nun cesó'l so intentu de desfaer el marcador inicial.
Nuevu puntu nel casillero azul, que cierra la xornada a dos puntos de play off, y que la próxima selmana va visitar La Romareda pa vese les cares col Real Zaragoza.
