El Tartiere precisaba a los suyos, y una vegada más, nun cabía dulda, los oviedistas respondieron. Espectacular ambiente nel estadiu oviedista y revolución nel esquema del equipu de Rozada que per primer vegada salía con dos homes en punta. Ibra y Rodrigo, con Tejera tamién de regresu nel once, flanqueados por Sangalli y Saúl nes bandes.
Na primer metá, y tres dellos acercamientos per parte de dambos conxuntos, a la media hora de partíu llegaba un gol de Ibra que fadría españar al Tartiere, cola consecuente decepción al ser anuláu segundos dempués de la so celebración pol VAR per fora de xuegu. Yera nel 35 cuando llegaba una nueva oportunidá. Penalty sobro Rodrigo na área. Llanzaba Saúl Berjón, pero parar Nadal. Continúaba el cero a cero nel marcador. Antes del descansu, l'esfuerzu tenía'l so pagu nel gol de Tejera, a pase de Saúl Berjón. Disparaba dende la frontera'l catalán, y anotaba l'unu a cero pa esplosión del estadiu. Poco duraba l'allegría, porque un penalty de Christian sobre Zozulia tresformar Pedro dende'l puntu de penalty, al refugue tres parada de Lunin, xusto antes del descansu. Tables nel marcador, pero'l Tartiere sofitando al so equipu.
Na segunda'l guión camudó, y el dominiu azul foi un pasu más allá. Túvola Luismi rematando de cabeza un saque d'esquina, pero'l fútbol devolver a Ibra, marcando'l dos a unu, cabeciando na área un centru de Saúl Berjón. Cabeció Christian en balón paráu, detuvo Nadal. Y tuvo el terceru'l Real Oviedo. De nuevu recibió Ibra, en dexándo-yla Christian de cabeza, un balón francu pa controlar, cruciala y punxo el terceru. Y tuvo el cuartu'l conxuntu oviedista, nun disparu al palu de Mossa, casi nel agregu. El Tartiere sufrió, animó, y esfrutó por fin del so equipu que volvió ganar na so casa'l día que más se precisaba.
