Cultural Leonesa 0 - Real Uviéu 0 (Instalaciones de Puente Castro, Llión).
Alliniaciones
Cultural Leonesa: Palatsi, Iza, Viti, Iván, Yasser, Yeray, Iker, Mario, Aridai, Señé y Emi. Tamién xugaron: Jesús, Bastos, Unai, Gianni, Paco, Agudo, Magallán, Pito, Julen, Manu, Antonio, Yelko y Alonso.
Real Uviéu: A. Herrero, Johanneson, Valentini, Carlos Hdez, Christian Fdez, Rocha, Edu Cortina, Pucko, Aarón, Fabbrini y Toché. Tamién xugaron: Juan Carlos, Álvaro, Josín, Ander, Linares, Jorge Ortiz, Asier, Prendes, Saúl Berjón, Viti, Ramón Folch y Steven.
El Real Uviéu completó'l so quintu test de pretemporada ensin conocer la derrota, pero incapaz a materializar dalguna de les ocasiones clares de gol de les que dispunxo a lo llargo del alcuentru. Pudo ser nel minutu 3, cuando'l colexáu anuló un gol llegal a Carlos Hernández nel remate de cabeza d'un córner llanzáu por Aarón. Precisamente l'ilicitanu provocaba la siguiente ocasión de peligru, nuna contra rápida llevada pol debutante Fabbrini, qu'acabó nun xu potente dende la esquierda d'Aarón, qu'aparó'l meta local. Balones en llargo y dalguna xugada a balón paráu, y con mayor dominiu d'una Cultural que nun punxo a prueba a Alfonso Herrero nos primeros cuarenta y cinco minutos.
Na segunda metá, y con seis cambeos introducíos por Anquela, el Real Uviéu foi ganando presencia y balón col pasu de los minutos énte una Cultural que se defendió nos primeros compases del segundu tiempu. Christian, nun centru dende la esquierda y depués nun gran remate de cabeza; Linares, a gran pase de Folch, nun remate ente dos defenses; Steven a pase de Saúl y dalgún centru más que nun atopó rematador tuvieron les suyes p'abrir el marcador, nunos cuarenta y cinco minutos de gran intensidá pol conxuntu uviedista, y bon nivel de tolos xugadores del filial que participaron.
El Real Uviéu va gociar mañana de xornada de descansu y va volver entamar el llunes los entrenamientos (10 h y 18:30 h) n'El Requexón.
AST
