El Real Oviedo llegó a Vallecas col mesmu once y a polos tres puntos y demostrólo. L'equipu tuvo unos bonos primeros minutos, con dos llegaes con peligru de Saúl y Tejera, pero aguantó tamién l'estirón del Rayu que punxo a prueba a Lunin. Probó Saúl dende'l centru del campu aprovechando la posición adelantrada de Dimitrieski y colóse fora por pocu. Llegó entós una xugada ensayada, en llanzamientu de falta, qu'executaron Berjón y Rodrigo a la perfección, firmando esti últimu´l cero a unu. Respondió'l Rayu con un disparu dende la frontera qu'estenó la meta oviedista, y pocu más hasta'l descansu.
Retocó files el Rayu y tamién el Real Oviedo con un doble cambeos nel 60. Salíen Coris y Saúl, y reforzaben Jimmy y Lolo el centru del campu con cambéu d'esquema a defensa de trés con carrilles incluyíu. Nun xeneraba ocasiones clares el Rayu pero nun balón paráu y tres avisu del VAR y revisión, el colexáu decretó penalty por mano de Lolo na área. Empató'lRayu dende los once metros y Rozada resultó espulsáu pola protesta. Entá asina l'equipu nun se descompunxo. Entró Bárcenas nel últimu cambéu y el conxuntu oviedista tuvo dalguna opción de peligru que nun llogró materializar en forma de gol y victoria.
Un puntu énte'l mediu centenar de oviedistas qu'animaron a los suyos una vegada más, y que volverán tar el sábadu nel Carlos Tartiere nun nuevu partíu fundamental.
