Cola equipación conmemorativa n'homenaxe al Real Stadium Club Ovetense y una sentida reconocencia a les víctimes del Covid-19 en plena soledá, pol vacíu dexáu pola ausencia de el siguidores oviedistas. Una ufrienda floral y un minutu de silenciu, y volvió La Liga a puerta zarrada nel Carlos Tartiere.
El Cuco Ziganda optó por repitir l'once del últimu alcuentru de competición, en Almendralejo, cola novedá de Lucas na banda derecha. Na primer parte, con poques ocasiones para dambos equipos, el Real Oviedo trató de buscar el xuegu per dientro, con asociaciones ente los pivoses, pa llevar el balón a banda y aprovechar los centros de Sangalli y Yoel, pero la Ponferradina, que tuvo con llínees bien xuntes, nun dexó la fluidez de balón a los del Cuco Ziganda. Una d'Arribas, qu'atrapó René, y una cabezada de Ortuño fueron les ocasiones de los azules nel primer actu.
Tres el pasu por vestuarios, la Ponferradina entró meyor al partíu, con delles ocasiones clares que Lunin salvó pa los azules. L'últimu tramu del choque foi de autentico dominiu oviedista, con más emburrie qu'aciertu, con munches llegaes que nun consiguieron materializase pa los de Ziganda.
Un puntu nuna fría nueche nel municipal uvieín qu'estraña más qu'a nada a la so afición.
