SD Ponferradina 1 - Real Uviéu 1
Alliniaciones:
SD Ponferradina: Dinu, Yac, Álvaro Moreno, Jon García, Saúl, Cidoncha, Caiado, Pallarés, Yuri, Jorge García y Ríos Reina. Tamién xugaron: Héctor, Andrés, Andy, Javi García, Menudo y Tato.
Real Uviéu: Juan Carlos, Johannesson, Álvaro, Carlos Hernández, Linares, Edu Cortina, Jorge Ortiz, Asier, Valentini, Saúl Berjón y David Rocha. Tamién xugaron: Alfonso, Josín, Ander, Toché, Pucko, Aarón, Christian Fdez., Prendes, Viti, Ramón Folch y Steven.
Goles: 0-1, Toché (min 56); 1-1, Menudo (min 77).
El Real Uviéu sigue ensin conocer la derrota nuna pretemporada qu’esta tarde llevó al conxuntu uviedista a visitar El Toralín. Un partíu nel qu’Anquela volvió formar con dos onces distintos en cada parte. Na primera los locales nun punxeron a prueba a Juan Carlos, y el peligru del Real Uviéu llegó de botes de Saúl, Linares y Asier, que nun atinaron a materializar la superioridá nel marcador.
Na segunda, Toché firmaba una asistencia perfecta de Viti pa poner el cero a un nel marcador. Alfonso tuvo qu’intervenir con una bona parada, énte disparu de los locales, y nada pudo facer nel gol de Menudo, de llanzamientu de falta directa pela escuadra, que supunxo l’empate a un gol.
L’equipu vuelve pa Uviéu pa volver entamar mañana, dende les 18:30 h, los entrenamientos.
