Con Armando Barbón siempres presente, un lema recibía al equipu dende'l Fondu Norte oviedista: "esti fondu ta contigo, güei tienes que vencer". Y asina foi.
Solo un cambéu nel once con respectu al esquema que venció en Les Palmas, la entrada de Mossa por Lucas nel llateral esquierdu, la tarde sonría-y llueu al Real Oviedo. L'equipu salió con fuerza nos primeros minutos, emburriando, atacando y apoderando, y nun tardó n'atopar premiu. Un gran robu de Blanco Leschuk, combinación con Nahuel y gol de Marco Sangalli a los nueve minutos de partíu. Siguía apoderando l'equipu de Ziganda, ensin conceder en defensa. Xugábase'l guión que quería'l conxuntu carbayón. Edgar estrelló un potente disparu nel poste, y Blanco Leschuk marcaba'l segundu, cabeciando xuna estratexa, pero'l colexáu anulólu por supuesta falta n'ataque. Al descansu con ventaya pola mínima.
Tres el pasu por vestuarios, directos a pol gol. Anotaba Borja Sánchez,robando ´l balón en campu rival, tras conducción y disparu cruciáu dende la esquierda para roblar el segundu. Edgar redimióse del so choque col poste anotando'l 3-0, que dexaba prácticamente sentenciáu. Apertaría'l Castellón yá ensin nada que perder, pero los de Ziganda caltuvieron la solidez defensiva ensin pasar apuros Femenías. Arribas sustituyía a Bolaño, col costazu disllocáu, y sería de nuevu Edgar quien nel tramu final ponía'l 4-0 definitivu.
Un gran trunfu para consolidar xuegu, solvencia y seriedá defensiva, per segunda xornada consecutiva.
