Javi Rozada, entrenador del Real Oviedo Vetusta nos dos últimes temporaes, ye'l nuevu entrenador del primer equipu.
El técnicu uvieín, que se punxo al frente del filial oviedista na campaña 2017/18 llogrando l'ascensu a Segunda División B, va ocupar dende esti llunes el banquín del primer equipu.
Javi Rozada, de 37 años, va tar acompañáu pel so segundu Javier Benavides, siguiendo nel cuerpu técnicu de primera plantiya'l preparador físicu Alberto Martínez y Sergio Segura, entrenador de porteros.
L'entrenamientu del primer equipu, mañana llunes, va empezar a les 10:30 hores nes instalaciones d'El Requexón.
AST
