El Real Oviedo encaraba esta tarde la primera de les cuatro finales d'esti final de temporada, sabedores de la importancia de sumar los tres puntos para salir de los puestos de descensu. Volvíen Juanjo Nieto y Yoel Bárcenas al equipu, amás de les rotaciones habituales del Cuco Ziganda, cola entrada n'escena de Grippo, Sangalli, Luismi y Ortuño.
Na primer parte, na que los azules quixéronse facer col control del xuegu dende los primeres compases, el Real Oviedo entró con más chispa al partíu, disponiendo de les ocasiones más clares del alcuentru. Avisó Yoel Bárcenas a los pocos minutos del pitíu inicial, pero'l balón salió esviáu pel llateral de la portería insular. Los azules siguíen buscando abrir el marcador, con bones acciones en campu contrario. Sergio Tejera, con un gran pase, púnxoilo a Ortuño el primeru en bandexa, yá que con un gran control acomodósela y darréu batió a Valles. Cola resultancia de 1-0 llegar al descansu.
Tres la continuación, el carbayones saltaron de nuevu al terrén de xuegu con una marcha más qu'el so rival, asediando la portería de Las Palmas. Borja y Sangalli trataron de batir al porteru de Las Palmas, pero'l balón coló a córner. Tres el saque d'esquina, nel refugue, Sangalli punxo'l 2-0 para los del Cuco Ziganda. Los insulares retayaríen distancies nel marcador, pero los azules nun se vinieron embaxo y siguieron creando peligru. Sangalli en dos ocasiones y Rodri pudieron facer más grande la renta carbayona.
Trés puntos d'oru para los azules na so llucha por algamar la permanencia, que van lluchar el próximu domingu en La Romareda énte'l Zaragoza.
