El Real Oviedo nun foi quién a imponese al Córdoba CF pese a dir per delantre nel marcador prácticamente tol partíu, y despidióse col enfadu de l'afición del Carlos Tartiere.
Empezó'l partíu con un dominiu aplastante del conxuntu oviedista, qu'amás convirtióse en goles. Minutu dos y llegaba el primeru. Ibra anotaba, al refugue, dempués d'un centru chut de Saúl. Unu a cero pa los llocales. Precisamente yera Saúl Berjón quien llantaba’l segundu con un gol preciosu, por tola escuadra, que ponía'l partíu de cara pa los de Anquela. Ibra tuvo'l terceru, rematando de cabeza un centru que se coló raspiando'l poste. Dende ehí, y cuando paecía que'l partíu más se ponía de cara, el Córdoba espertaba. Piovaccari entraba per el mancáu Jaime, y dába-y otru aire al conxuntu andaluz. Marcaba precisamente l'ariete’l Córdoba y llegábase al descansu col dos a unu.
Tres el descansu, Ibra y Carlos Hernández protagonizaben dos talesoportunidaes qu'atayaba’l meta visitante. Yoel Bárcenas retirábase y entraba Javi Muñoz buscando una presencia mayor nel centru del campu. Ibra tendríala otra vuelta nún disparu cruciáu que despeyaba’l porteru del Córdoba. Poco dempués llegaba l'empate. Joselu y Toché saltaben al terrén de xuegu y llograben el tres a dos. Yera Joselu quien, con decisión, llanzó una falta directa que volvía poner per delantre al Real Oviedo nel 83. Antes del 90 volvía empatar el Córdoba, poniendo l'empate a trés definitivu.
El prósimu entrenamientu del equipu va ser el martes a les 10:30 hores n'El Requexón.
AST
