CD Lugo 0 - Real Uviéu 1
LXVI Troféu Emma Cuervo, disputáu nel Pepe Barrera.
Alliniaciones:
CD Lugo: Roberto, Leuko, Kravets, Carlos Pita, Campillo, Azeez, Cristian Herrera, Ignasi Mikel, Iriome, Pedro y Escriche. Tamién xugaron: Juan Carlos, Seoane, Fede Vico, Luis Ruiz, Sergio Gil, Campabadal y Guille Donoso.
Real Uviéu: A.Herrero, Varela, Verdés, Carlos Hernández, Susaeta, Toché, Edu Cortina, Saúl Berjón, David Rocha, Viti y Steven. Tamién xugaron: Johanneson, José Martínez, Ander, Linares, Pucko, Juan Carlos, Asier, Aarón, Christian Fernández, Valentini y Gorka.
El Real Uviéu sumó’l so segundu trunfu de pretemporada nel tercer amistosu xugáu nestes selmanes de preparación, midiéndose pela primer vez a un rival de la so mesma categoría. Anquela formó con dos onces distintos en cada parte, y la lesión de Varela foi la peor noticia de los primeros cuarenta y cinco minutos. El llateral retiróse con problemes na rodiya. Toché tuvo dos ocasiones clares p’abrir el marcador, pero Roberto intervieno con dos paraes pa evitalo, inclusive una en dos ocasiones, salvando en raya de gol el remate de Steven al balón tornáu. Saúl punxo un centru perfectu pal remate pero nin Toché nin Steven llegaron a emburriar la pelota nos últimos compases de la primer parte. Na segunda metá y con un equipu nuevu dafechu, Pucko y Aarón Ñíguez punxeron la pólvora nes bandes, con Linares en punta, y la maxa apaeció de botes del ilicitanu, qu’anotó un golazu en llanzamientu de falta directa, con un derechazu, dende la esquierda. Más presión y tamién un par d’intervenciones de Juan Carlos nuna segunda parte qu’acabó con victoria uviedista, llevando’l Troféu Emma Cuervo.
