Había que ganar y ganóse. El Real Oviedo encaró esta tarde la xornada 37 en LaLiga Smartbank, recibiendo nel Carlos Tartiere al CD Mirandés, cola necesidá de sumar de trés pa escapar de los puestos de descensu.
Ziganda volvió tirar de rotaciones y sacó un equipu bien ofensivu, con Borja y Sangalli nes bandes, metiendo dos homes en punta, Ortuño ya Ibra. El Real Oviedo saltó al verde del Carlos Tartiere consciente de la importancia de ganar l'alcuentru, y foi Ibra a los pocos minutos de xuegu'l que tuvo la primera, cabeciando un balón centráu por Tejera en falta llateral, pero Limones detuvo'l balón y esbarató les opciones oviedistas. El Real Oviedo, bien seriu en defensa, aprovechaba les ocasiones xeneraes polos sos homes d'ataque, pero nun consiguía superar a la meta visitante. Nel minutu 40, Ibra, dientro de la área, adelantrar a un defensa burgalés y foi arrolado, señalando'l colexáu la pena máxima. Alfredo Ortuño nun falló y punxo al Real Oviedo per delantre nel marcador.
Nel segundu actu, el Real Oviedo contuvo les acciones de peligru de los visitantes, aprovechando les contras pa tratar d'anotar el segundu nel marcador. Nuna d'estes acciones, Borja punxo un balón a la área y producióse un llance entre Ibra y Limones qu'acabó colos dos xugadores sustitudos. Ziganda dio entrada a Lolo González pa buscar faese col control de xuegu nel campu. Christian Fernández y Obeng fueron los otros dos cambeos del técnicu navarru.
Trés puntos importantes, sabiendo sufrir, que faen que'l Real Oviedo abandone los puestos de descensu, y yá piense nel so próximu rival el Cádiz.
