El Heliodoro Rodríguez López foi l'escenariu de la decimoctava xornada en LaLiga SmartBank para'l Real Oviedo, que s'impunxo por 0-1 énte'l CD Tenerife.
Pal alcuentru nel estadiu insular, Álvaro Cervera, que tornaba a Tenerife, optó por un once formáu POR Braat; Lucas, Dani Calvo, David Costas, Pomares; Sesé, Luismi, Jimmy, Hugo Rama; Obeng y Borja Bastón, nel que la principal novedá foi'l debú del estremu valencianu col primer equipu.
La primer metá tuvo marcada pola salida de los locales, qu'imprimieron intensidá aprovechando que volvíen delantre de la so afición tres la última xornada. Los azules, ordenaos en defensa, resolvieron les acometíes insulares, pero ensin llegar a la parte de peligru de la meta defendida por Sorianu. La fase final del primer tiempu tuvo más equilibrada, con acercamientos de los de Cervera, anque nun los llograron materializar.
Tres el pasu por vestuarios Abel Bretones sustituyó al debutante Sesé, nun Real Uviéu que metió una marcha más al partíu, robándo-y el balón a los locales. Nun córner, David Costas, al segundu palu, abrió'l marcador pa los de la capital del Principáu. Nun se conformó Cervera cola resultancia ya introdució sobro'l verde a Sergi Enrich y Borja Sánchez. Pero'l Tenerife, consecuencia de dir por detrás nel marcador, recuperó la posesión y el control de xuegu. Los azules intentábenlo a la contra, con salíes al espaciu pa buscar el segundu nel lluminosu. El Real Oviedo aplicóse en defensa, defendiendo les acometíes del Tenerife. Mangel y Miguelón fueron les últimes permutes de Cervera, nun partíu qu'acabó cola resultancia de 0-1 pa los azules.
Nuevos tres puntos pal conxuntu de la capital del Principáu, que'l próximu martes va recibir a Las Palmas nel Carlos Tartiere pa enllargar la so dinámica positiva.
