UP Llangréu 0 - Real Uviéu 2
Amistosu pola reinaguración del estadiu Ganzábal Nuevu.
UP Llangréu: Javi Díaz, Ricki, Andrés Cabranes, Casti, Álvaro Cuello, Joan, Cris Montes, Héctor Nespral, Polo, Utzi y Omar. Tamién xugaron: Sergio, Adrián Torre, César, Álvaro García, Costales, Terente, Luiyi, Alejandro y Abel.
Real Uviéu: Alfonso; Johannesson, Prendes, Forlín, Mossa; Pucko, Mariga, Ander, Owusu; Yeboah y Linares. Tamién xugaron: Álvaro, Asier, Steven, Javi Mier, Gabri, Sandoval, Jorge Mier y Guille.
El Real Uviéu impúnxose nel amistosu xugáu esta tarde por cuenta de la reinauguración del Ganzábal Nuevu, nun partíu onde Anquela dio-yos minutos a los xugadores menos habituales, probando a Forlín nel centru de la defensa, y recuperando a Johannesson y Mariga entrando directamente nel once titular.
El conxuntu uviedista dominó a les clares la primer parte, y creó ocasiones pa llevar más ventaya al descansu. Linares firmó l’únicu gol del primer tiempu, definiendo nel área énte Javi Díaz.
Na segunda, y yá con cambeos continuos dende’l bancu uviedista, el Llangréu tuvo dalguna opción pero Alfonso amosóse seguru debaxo los palos. Anquela acabó formando con tolos canteranos y xuveniles, y el dominiu de balón aumentó nos últimos minutos, hasta firmar Sandoval, a pase d’Álvaro, el segundu y definitivu gol del partíu.
