Con Lunin y Luismi debutantes y directos nel once titular, el Real Oviedo salía nos Juegos del Mediterráneo con Omar Ramos como novedá n'una alliniación con baxes de nuevu por sanción.
L'equipu oviedista salió bien al partíu y compitió d'igual a igual. Omar Ramos ponía un bon centru que remataba Ortuño nel primer palu unviando fuera. El Almería respondía con un disparu cruzáu que Lunin tocaba lo cabal para unviar a córner. Nun creaba demasiáu peligru'l Real Oviedo pero defendíase con contundencia ensin conceder demasiáu. La más clara foi para Ortuño cola meta local vencíu en cantu de la área. Picóla pero'l balón colóse fora por pocu.
Na segunda la balanza inclinóse más para'l llau azul. Con más posesión y fondura pero llegó entós l'acción polémica que condicionó l'alcuentru. Un penalty pitáu pol colexáu nel qu'Arribas nun toca al delanteru y que nun foi revisáu pol VAR terminó nel unu a cero énte la incredulidá de los azules. Darwin Nuñez tresformaba'l primeru pero'l Real Oviedo respondió con un gran remate de Luismi, de cabeza, qu'estrelló'l balón nel llargueru. Llegó entós el dos a cero definitivu nun erru d'entendimientu ente defensa y porteru qu'aprovecharon los locales pa sentenciar el partíu.
L'equipu torna mañana a Asturies y va entrenar dende les 17h n'El Requexón.
