Con dos cambeos nel once, dambos na banda esquierda, enteru de blancu y con un centenar de oviedistas na grada, salió'l Real Oviedo a ganar en Almendralejo.
Muncha intensidá, control de partíu, llegaes y aciertu. L'equipu de Ziganda anuló por completu al Extremadura na primer metá y tres dos acercamientos, llegó'l gol de Rodrigo nel minutu 15. Primeramente'l colexáu anulólu por fora de xuegu. Venía d'una gran xugada trenzada, y rematada con un centrude Juanjo Nieto que l'ariete remataba na área. Asina, y tres revisión del VAR, xubía'l gol al marcador. Yoel Bárcenas tuvo'l cero a dos nun mano a mano en cantu del descansu, pero Casto sacó con una gran intervención.
Salió meyor l'Extremadura na segunda metá, y aguantó el Real Oviedo los primeros aceleríos. Orde en defensa, y aprovechando les opciones a la contra. Lunin estenó un llanzamientu directu de falta, entró Ibra dende'l banquín, y Sangalli chutó dende la frontal anotando'l segundu nun auténticu golazu que se coló pela escuadra. Entornáronse n'ataque los locales y terminó retayando distancia Alex Allegría nel agregu, poniendo l'unu a dos definitivu.
L'equipu torna a Uviéu n'autobús y va entrenar mañana a les 10:30h n'El Requexón.
