Xornada 4 en LaLiga SmartBank que llevó al Real Oviedo a tierres oscenses para vese les cares nel primer llunes de setiembre cola SD Huesca, nun choque n'El Alcoraz que terminó cola resultancia de 1-2 en favor de los intereses oviedistas, na que ye la primer victoria del cursu para los del Cuco Ziganda.
Con cambéu de sistema, y delles novedaes, l'once azul que saltó sobre'l terrén de xuegu del estadiu oscense foi'l formáu por Femenías; Lucas, David Costas, Dani Calvo, Pierre Cornud; Sangalli, Luismi, Jimmy, Viti; Borja Bastón y Obeng, que salieron bien intensos, imprimiendo un ritmu altu al partíu. La primer parte empezó con dambos equipos bien metíos, con un Real Oviedo completó un bon primer tramu del alcuentru, buscando aprovechar la presión tres perda para xenerar peligru y buscar la meta defendida por Andrés Fernández. Con transicciones rápides y balones sobre les puntes empezaron a llegar les primeres acciones clares de los de la capital del Principáu. Nuna bona asistencia dende la banda, Jimmy punxo un balón sobre la área local y Borja Bastón, con una bon cabezada, punxo'l primer tantu para los oviedistas. Tres el tantu, el conxuntu de Ziganda siguió metiéndo-y ritmu al choque, colos homes de riba bien activos. Nel tramu final de la primer metá llegaron los minutos de peligru del Huesca, con bones paraes de Femenías y gran trabayu defensivu carbayón. Cola resultancia de 0-1 llegóse al descansu.
Tres el pasu por vestuarios, el Real Oviedo volvió salir enchufado, con un tanto de Borja Bastón, qu'el VAR anuló per fora de xuegu. De nuevu los de Ziganda enllazaron bonos minutos, llevando'l gruesu de les ocasiones de peligru sobre la meta d'Andrés Fernández. Foi l'Huesca'l que punxo l'empate, pero los de la capital del Principáu nun perdieron la fe y siguieron buscando'l trunfu. Ziganda movió'l banquín y dio entrada a Javi Mier y Borja Sánchez, de primeres, y, darréu, faciendo debutar a Gastón Brugman. Obeng, aprovechando la so velocidá, adelantróse a la defensa del Huesca pa poner el tantu de la victoria nos minutos finales del partíu.Matheus Aiás y Arribas fueron los últimos cambeos de los azules.
Y llegó la primer victoria de la temporada para los azules en casa d'unu de los, a priori, candidatos al ascensu, que dexa a los de Ziganda refrendar les sos sensaciones y siguir trabayando pa preparar el choque del próximu domingu ente'l Cartaxena.
