L'Estadiu Gran Canaria acoyó la décima xornada de LaLiga Smartbank para'l Real Oviedo, nel que los azules visitaron a la UD Las Palmas, cola resultancia de 0-2 en favor de los intereses oviedistas.
De nuevu Ziganda, que nun se pudo sentar nel banquín pola espulsión na pasada xornada énte'l Logroñés, volvió tirar de rotaciones, dando entrada a Femenías, Carlos Hernández, Lucas y Borja. Na primer metá, na que'l Real Oviedo volvió amosar una solidez defensiva importante, ensin apenes conceder ocasiones al conxuntu insular, los azules aprovecharon la velocidá de los sos homes d'ataque, con contras rápides que favorecieron l'apertura del marcador. Nahuel, en dos causes consecutives, aprovecho la so rapidez pa poner per delantre a los de Ziganda. Col 0-2 el Real Oviedo siguió buscando les contras, beneficiándose de la fondura de Borja Sánchez y Sangalli.
La segunda metá, na que Bolaño se quedó nel vestuariu y Arribass saltó al verde, empezó con un penalti pa los azules, que Blanco Leschuk executó y el porteru local atayó. El Real Oviedo tuvo la más clara nuna triple acción que'l porteru, el palu y un disparu enriba nun dexaron sumar el terceru nel marcador. Viti entró por Sangalli, y el partíu entró nuna fase de menos intensidá, na que los azules nun tuvieron ocasiones en contra y siguieron xenerando sobro la portería mariella. Javi Mier, Obeng y Cedric fueron los últimos cambeos de Ziganda. Darréu, los locales retayaron distancies nel lluminosu.
Tres importantes puntos nel casillero azul, que refrenden el trabayu realizáu esta selmana y que van dexar al Real Oviedo centrase nun nuevu compromisu en Lliga Smartbank, énte'l Castellón nel NMR Carlos Tartiere.
