El Real Oviedo despidió LaLiga SmartBank 21/22 nel Carlos Tartiere énte'l UD Ibiza, con victoria énte'l conxuntu insular, qu'a mercé de les resultancies n'El Molinón y El Plantío dexen al conxuntu de la capital del Principáu ensin opciones d'apostar el Play Off d'ascensu a LaLiga Santander.
La primer metá empezó con un Real Oviedo bien enchufado, que nel minutu 2 de xuegu tuvo una ocasión p'adelantrase nel marcador, pero l'árbitru señaló fora de xuegu de Samuel Obeng. Los azules nun dexaron d'intentalo, y llograron el premiu nel minutu 18, con un gran gol de Borja Sánchez, que con una vaselina punxo la ventaya nel lluminosu pa los azules. Hubo más ocasiones pero llegóse al descansu con ventaya pola mínima.
Na segunda, llegó'l primer golpe. Anotaba l ´Ibiza l'empate a un gol, pero pocu dempués volvía adelantrar a los azules Borja Bastón, tres asistencia de Mossa dende la esquierda. El Tartiere volvía creer. Empató l´Ibiza de nuevu con un golazu. Vuelta empezar. Y en el descuentu, mientres tol estadiu actualizaba marcadores, penalty por llamada del VAR. Diba llanzar Borja Bastón, anotaba y cayíase l'estadiu, mientres, por unos intres, el tracamundiu apoderóse de oviedistas y xugadores celebrando una resultancia que non se dió n'El Plantío.
L'equipu, el grupu, más uníu que nunca, dió la vuelta al estadiu coriáu polos suyos. Y despidióse del Tartiere por esta temporada con una de les hakas más emotives de los últimos tiempos. Hasta la próxima temporada. Hala Oviedo siempre.
