El Real Uviéu volvió demostrar que con humildá, trabayu y aunión los suaños puen facese realidá. Yeren trés puntos, énte’l Sporting de Xixón, pero pa l’afición uviedista significaba muncho más qu’un partíu de fútbol. Y disfrutó, arguyosa como nunca, de la so historia, el so presente, y de los suyos.
Anquela apostó pol once de gala, y el Real Uviéu fíxose col control del partíu dende’l principiu. Na primer llegada del Sporting, Jony adelantaba al conxuntu xixonés rematando, depués de dellos refugues de la defensa uviedista, y ponía’l cero a un en marcador. El Tartiere llevantó al so equipu, qu’en nengún momentu-y perdió la cara al partíu, y siguió teniendo averamientos a la meta de Mariño. Pasada la media hora de partíu, Mossa entraba n’área pela esquierda pa discurrir un disparu, cuasi en suelu, que suponía l’empate a un gol. El Tartiere volvía apertar, y algamábase’l descansu con tables en marcador.
Namás empezar la segunda, volvía Mossa a arrincar un gran disparu entornáu a la derecha, que se metía pela escuadra de Mariño, poniendo al Real Uviéu per delantre en marcador. A partir d’entós el conxuntu carbayón lluchó, trabayó y siguió incansable, y col arguyu inquebrantable, pa defender la ventaya hasta’l pitíu final.
