El Real Uviéu frenó nel Carlos Belmonte, nun partíu onde los azules nun supieron aprovechar la so ventaya en marcador pa puntuar polo menos, con méritos pa eso.
La primer metá foi defensiva pa dambos conxuntos, ensin cuasimente ocasiones de gol. Les más clares de los uviedistes llegaron de Verdés, en llanzamientu de córner, y de botes de Yeboah, que remató fuera.
Na segunda y cola entrada de Linares dende’l bancu, llegó’l gol. Obra de Christian Fernández, nun llanzamientu de falta de botes de Rocha, el llateral remataba nel segundu palu p’anotar el cero a un a favor de los uviedistes. Malpenes cinco minutos-y duró l’allegría al Real Uviéu, que vio cómo Vela discurría un disparu potente énte’l que Juan Carlos nada podía facer. Linares tuvo l’un a dos, con un remate de cabeza que s’afrelló contra la escuadra. Otra vez, cinco minutos más tarde, y nuna xugada bien asemeyada con entrada per banda esquierda, Araujo volvió rematar dende’l frontal anotando’l segundu y definitivu gol del alcuentru. El Real Uviéu buscó l’empate hasta’l final, pero coló ensin premiu d’Albacete.
L’equipu va volver a los entrenamientos el miércoles, dende les 18:00 hores, n’El Requexón.
