Con dos mil oviedistas nes graes, el Real Oviedo fixo lo más difícil y quedóse na vera. L'equipu remontó un 2-0 en contra, pero col empate Cristian Santos marcó'l terceru para los locales nos compases finales del alcuentru.
Sergio Egea formó col mesmu dibuxu utilizáu nel últimu ensayu de pretemporada. Trés homes nel centru del campu que nun fueron abondos para da-y equilibriu al equipu nos primeros minutos. El debú oviedista empezó cuesta arriba col VAR, dando por válidu un gol primeramente anuláu al ex oviedista Koné. Mossa tuvo la más clara, cruciando al refugue d'un córner un balón que raspió na defensa y colóse raspiando'l poste.
Na segunda metá, el Real Oviedo salió con muncha más facilidá. En xuegu y en llegaes. Ortuño y Sangalli remataron hasta en trés llegaes, atopándose cola parada del meta local y dos estenes de la defensa. Aketxe anotaba'l segundu para'l Dépor, pero'l Real Oviedo reaccionaba bien y cola entrada de Obeng metía una marcha más n'ataque. Llegaba'l gol de Lolo, de tacón, en llanzamientu de falta de Saúl Berjón. Precisamente'l capitán tenía el segundu, estrellando un potente disparu na cruceta. Llegaba l'empate, nun perfectu remate de cabeza de Obeng a centru de Sangalli. Y tenía precisamente l'estremu vascu'l terceru, nun remate cruciáu en saque d'esquina, esviáu por pocu. Foi entós, col Real Oviedo buscando'l terceru cuando llegó'l del trunfu de los locales, obra de Cristian Santos para firmar el trés a dos definitivu.
AST
