El Real Uviéu llegó a un alcuerdu pa facese colos servicios del porteru Nereo Champagne, en propiedá, pa les dos temporaes vinientes, con opción a una más en función d’oxetivos.
El xugador, de 33 años d’edá, nació’l 20 de xineru de 1985 en Salto, Arxentina. Formáu nes categoríes inferiores del San Lorenzo de Almagro, el porteru tien una esperiencia llarga nel fútbol arxentín depués del so pasu per San Lorenzo de Almagro, Ferro y Olimpo de Bahía Blanca, atropando un total de 167 partíos xugaos. Depués del so periplu en Suramérica, Nereo Champagne recaló en LaLiga, defendiendo la portería del CD Leganés, onde xugó un total de 14 partíos nes dos últimes temporaes.
Champagne ye un porteru sobriu, con un gran físicu, que destaca pola so seguranza en balones aéreos, amás de la so velocidá debaxo los palos.
A la espera de que se someta a la reconocencia médica na Clínica Asturies, el futbolista va incorporase a los entrenamientos esti 10 de xunetu, y va trabayar a les órdenes de Juan Antonio Anquela.
Trayectoria:
(2009/10) San Lorenzo de Almagro
(2010/11) Ferro Carril Oeste
(2011/12) San Lorenzo de Almagro
(2012/16) Olimpo de Bahía Blanca
(2016/18) CD Leganés
La presentación oficial de Champagne como xugador nuevu del Real Uviéu va facese nos díes vinientes.
El xugador *nun va facer declaraciones hasta’l momentu de la so presentación oficial.*
AST
