El Real Uviéu llegó a un alcuerdu pa facese colos servicios del mediocentru Sergio Tejera pa les dos temporaes vinientes, con opción a una más según oxetivos.
El xugador, de 28 años d’edá, nació’l 28 de mayu de 1990 en Barcelona. Formáu nes categoríes inferiores del Espanyol, d’onde lu fichó’l Chelsea FC na temporada 2006/07. Depués del so periplu nel equipu inglés, el catalán recaló nes files del Mallorca B, xugando’l play off d’ascensu a Segunda B contra’l Real Uviéu y anotando’l gol que diba provocar la tanda de penaltis. Na temporada siguiente, el catalán diba alternar el filial col primer equipu bermeyón, debutando en Primer División.
Nel 2012, depués de cuatro temporaes en Mallorca, Sergio Tejera diba fichar pol Espanyol, onde completó campaña y media na máxima categoría del fútbol español, rexistrando un total de 27 partidos xugaos. Nel mercáu d’iviernu de la temporada 2013/14 el mediocentru catalán diba recalar nel Alavés, onde disputó un total de 27 partíos, pa depués fichar pol Nástic de Tarragona, equipo del que llega procedente. Tejera tuvo trés campañes nel conxuntu catalán, siendo ún de los xugadores más usaos de la plantiya, con un total de 96 partíos disputaos.
Tejera ye un mediocentru de calidá, que destaca pol so bon pie, el so trabayu y la so destreza pa xugar el balón.
Depués de sometese al reconocimientu médicu na Clínica Asturias, el futbolista va incorporase a los entrenamientos el 9 de xunetu y va trabayar a les órdenes de Juan Antonio Anquela.
Trayectoria:
(2000/06) Categoríes inferiores RCD Espanyol
(2006/09) Chelsea CF
(2009/10) RCD Mallorca B
(2010/12) RCD Mallorca
(2012/14) RCD Espanyol
(2013/15) Deportivo Alavés
(2015/18) Gimnástic de Tarragona
La presentación oficial de Sergio Tejera como xugador nuevu del Real Uviéu va facese d’equí a unos díes.
El xugador nun va facer declaraciones hasta la so presentación oficial.
AST
