El Real Uviéu llegó a un alcuerdu pa facese colos servicios del estremu Édgar Joel Bárcenas, “Bárcenas”, que llega en calidá de cedíu procedente de Cafetaleros de Tijuana, pa la temporada 2018/19.
Bárcenas, de 24 años d'edá, nació'l 23 d'ochobre de 1993 en Colón, Panamá. Formáu nel Árabe Unido, onde tuvo a les órdenes del ex-uviedista Dely Valdés, l'estremu defendió la camiseta de RNK Split y Cafelateros. Amás, Bárcenas lleva una trayectoria importante cola Selección Panameña, cola que lu citaron un total de 32 internacionalidaes, xugando esti mes de xunu pasáu'l Mundial de Rusia.
Bárcenas ye un estremu que destaca pola so rapidez, polivalencia p'actuar nes dos bandes y capacidá de desborde.
L'estremu va ponese a les órdenes de Juan Antonio Anquela dende mañana, xueves, a falta de superar el reconocimientu médicu na Clínica Asturias.
Trayectoria:
(2012/15) Árabe Unido
(2016) RNK Split
(2017/18) Cafelateros de Tapachula
La presentación oficial de Bárcenas como xugador nuevu del Real Uviéu va facese mañana, depués de la sesión d'entrenamientu matinal.
L'estremu nun va facer declaraciones hasta'l momentu de la so presentación oficial.
AST
