El Real Uviéu llegó a un alcuerdu pa facese colos servicios del defensa arxentín con pasaporte italianu Nahuel Valentini, de cara a les dos temporaes vinientes, con opción a una más.
El xugador, de 28 años d’edá, nació’l 19 de setiembre de 1988 en Rosario, Arxentina. Nahuel Valentini formóse nes categoríes inferiores de Rosario Central, equipu col que debutó en Primer División nel 2008, y onde tuvo hasta’l 2013, axuntando trés temporaes en Primer División arxentina, y otres tantes en Segunda.
Na campaña 2013-2014, Nahuel Valentini dio’l saltu al fútbol européu, incorporándose a les files del Livorno, de la Serie A, pa fichar la temporada siguiente pol Spezia, de la Serie B italiana, onde militó nes trés últimes temporaes axuntando un total de 90 partíos xugaos.
Nahuel Valentini tien una esperiencia importante nel fútbol d’élite y agora da’l saltu al fútbol español incorporándose al proyectu del Real Uviéu. Nahuel Valentini ye un defensa central de 1,84 metros, que destaca pola so rapidez, xuegu aereu potente, y gran sentíu de l’anticipación. La trayectoria deportiva del zagueru arxentín resúmese nun total de 242 partíos oficiales de competición regular xugaos ente Primer y Segunda División arxentina, y tamién na Serie A y Serie B italiana.
El defensa va incorporase de momentu a los entrenamientos, depués de sometese esta mañana a reconocimientu médicu na Clínica Asturias, y va trabayar a les órdenes de Juan Antonio Anquela pa tar a disposición dafechu del técnicu de la qu’empiece la temporada.
Trayectoria:
(2007-13) Rosario Central
(20013-14) Livorno
(2014-17) Spezia
La presentación oficial de Nahuel Valentini como xugador nuevu del Real Uviéu va facese’l llunes, n’horariu por confirmar.
El defensa nun va facer declaraciones hasta’l momentu de la so presentación oficial.
